Алып баручыга. Татарстан республикасы мәгариф һәм фән министрлыгы ярдәме белән Казан шәһәренең Ленин исемендәге мәдәният сараенда Без бергә балалар халык иҗаты конкурсының финал этабы булып узды. Әлеге бәйгедә төрле зона турларында җиңү яулаган коллективлар чыгыш ясады. Бүләкләү тантанасында безнең иҗат төркеме дә булып кайтты. Тантанадан Фәннур Хәсәнов репортажы.
Ленин исемендәге мәдәният сарае шатлыклы йөзләр белән шыгрым тулган. Чөнки һәрбер катнашучы зур сәхнәдән үзләренең хезмәтләренә бәя алачаклар. Әлеге Фестиваль2016 елдан бирле үткәрелә. 5 ел дәверендә фестивальдә ике йөз меңләгән кеше катнашкан. Алар арасында татарстанның авыл калаларыннан төрле оешмалар, өстәмә белем бирүче учрежденияләр, балалар бакчалары, интернат мәктәпләр, гаилә коллективлары бар.
Без Буа муниципаль районыннан килдек һәм сезнең игътибарыгызга үзебезнең балаларыбызның иҗат җимешләрен тәкъдим итәбез. Шушы эшләребез белән без зур арбабызны тутырып бизәдек.Әлеге эшләр арасында төрледән – төрле курчаклар, язулы, рәсемле тәлинкәләр бар.
Без “Россия сувенерлары” исемле күргәзмәбезне алып килдек. Әлеге күргәзмәдә балалар иҗат үзәгенә йөрүче күпсанлы балалар кул эшләре һәм район балалар иҗат мәктәбе укучыларының хезмәтләре куелды. Монда керамика һәм киездән эшләнгән хезмәтләр бар. Мәсәлән әлеге эшләр Мотыйгуллиннар эшләгән аяк киемнәре. Алар чын профессиональ кимәлдә башкарылган. Бик матурлар. Алар бик озак еллар буе шөгелләнәләр. Әлеге фестивальнең исеме җисеменә туры килеп тора. Күпмилләтле Татарстаныбызның байлыгы балаларыбыз иҗатында чагылыш таба.
Фәннур Хәсәнов, Никита Граханцев, Татарстан яңалыклары.
