Дүрт ел эчендә Татарстанда озын гомерлеләр саны 189 кешегә арткан. Бу элекке белән чагыштырганда 11 процентка күбрәк. Ә республикадагы һәр дүртенче кеше өлкән яшьтәге булып санала.
Шуңа күрә гражданнарга социаль ярдәм күрсәтүгә бирелгән акчаның яртысы нәкъ менә өлкән яшьтәге кешеләргә ярдәм итүгә юнәлдерелгән. Өлкәннәр ункөнлеге башлану белән республикада зур программа әзерләнде. Театрларга, музейларга, бассейн, тренажер залларына бушлай йөрү, даруханәләрдә, чәчтарашханәләрдә, сәүдә заллҗарында акцияләр каралган. Шулай ук өлкәннәргә волонтерлар һәм яшьләр оешмаларыннан ярдәм чаралары әзерләнде.
