Казанда Бөтендөнья татарларын берләштерүче “Милләт җыены” узды. Татарлар күпләп яши торган 64 төбәктән һәм 10 чит илдән килгән “Милләт җыены” делегатлары белән хәбәрчебез Айзилә Батырханова аралашып кайтты.
“Милләт җыены” утырышы — Татар мәдәниятенең җаны булган Камал театры бинасында узды. Биредә Җәмәгать эшлеклеләре, дин әһелләре, сәнгать осталары, укытучылар, журналистлар – барысы да татар милләте өчен кайгыртып йөрүчеләр.
“Милләт җыены” башланганчы Төбәкләрдә татар теле дәресләренең киметелүе һәм бу проблеманың чишелешен хәл итү юллары турында үзара фикер алышты.
“Милләт җыенын”да залда 500 вәкил катнашса, видеоэлемтә аша караучылар саны әлбәттә миллионнарча. Президиумда Татарстан Президенты Рөстәм Миңнеханов, Татарстанның Дәүләт киңәшчесе Минтимер Шәймиев, Бөтендөнья татар конгрессы милли шура рәисе Васил Шәйхразыев, милләттәшләребез Россия Герое Дамир Юсупов, Олимпия уеннары чемпионы Алинә Заһитова катнашты. Узган ел җыенда “татар халкының үсеш стратегиясен” кабул ителде. Быелгы «Милләт җыены»ның игътибар үзәгендә җанисәп булды.
Гриф Хәйруллинның ялкынлы чыгышы иң күп алкышларга күмелде.
Татарстан республикасы дәүләт киңәшчесе Минтимер Шәймиев татарларны берләшергә чакырды.
Татарстанның атказанганартисты Фирдүс Тямаев сүзләренчә җанисәп — ул «зур көрәш, милләтебезнең сынавы».
Васил Шәйхразыев җанисәпне онлайн рәвештә алып барырга киңәш итте. Болай булганда хаталар саны азрак булачак дип ассызыклады милли шура рәисе.
Милләт җыены Татар президенты Рөстәм Миңнеханов чыгышы белән тәмамланды. Республика башлыгы төбәкләрдән килгән вәкилләргә мөрәҗәгать итте.
Милләт җыены дәүләт бүләкләрен тапшыру һәм Туган тел җырлау белән тәмамланды.
Айзилә Батырханова, Таһир Хәсәнов Татарстан Яңалыклары.
