Бу атнада Татарстанда сизелерлек суыту көтелә. Гадәттә җылыту сезоны башлангач, сөрем газы белән агулану очраклары була. Узган ел да шәхси йортларында газ белән агуланып үлүчеләр теркәлде. Фаҗигалардан саклану өчен газ мичләренең, җылыту җиһазларынын төзек булуы шарт. Казанда газ хезмәте чираттагы тикшерүләрне үткәрде. Кагыйдәләр ничек үтәлә? Бу хакта киләсе сюжетта.
Менә бу газ казаны Казанның Восход урамындагы әлеге фатир хуҗалары өчен күп еллар инде куркыныч тудыра. Тыштан барысы да төзек кебек. Газ хезмәте инспекторлары җиһазларның кагыйдәләр буенча урнаштырылмавын ачыклады.
Әлеге фатирны вакытлыча газ белән тәэмин итү туктатылды. Җитешсезлекләрне бетерергә кушылды. Югыйсә, йорта яшшәүчеләрнең газ белән агулану куркынычы зур. Ул авыр нәтиҗәләргә китерергә мөмкин. Моның белән йорт хуҗасы да килеште.
Газ ягуны тутатып тору безнең иминлек өчен кирәк, шәһәр газ хезмәткәрләре әйткәннең барысын да тиешенчә тиз арада эшләрбез.
Инспекторлар газ плитәләре, духовкалар, җылыту казаннары һәм су җылыту приборлары эшенә аерым игътибар бирә. Алар сөрем газы газ чыганаклары булып тора. Ел саен алар техник тикшерү узарга тиеш.
Агаз җиһазларын, мичләрне тикшерү ел саен мәҗбүри. Абонентларга газ хезмәтләре вәкилләренә йортларга үтеп керү мөмкинлеген бирергә кирәк.
Әмма планлы тикшерү генә аз. Йорт хуҗалары техник төзеклекне үзләре контрольдә тотарга, газ җиһазларын дөрес кулланырга тиеш. Шунысы мөһим – тәрәзә җилләткечләрен ачып, бүлмәләрне тиешенчә җилләтеп алырга кирәк. Быелгы җылыту сезоны башлангач, бәхеткә агулану очраклары теркәлмәгән. Һәркемнең газ җиһазлары белән бик сак эш итүе сорала.
…Ангелина Морозова, Никита Граханцев, Татарстан яңалыклары.
