«Пифагор кушаматлы роботның юлдагы маҗарасы”. Татарстан Республикасы ЮХИДИ идарәсе, «Юл хәрәкәте иминлеге» Дәүләт-бюджет учреждениесе һәм мәгариф министрлыгы КидСпейс белән берлектә әнә шундый исемдәге уникаль проект булдырдылар. Ул Казан шәһәренең башлангыч сыйныф укучыларына һәм мәктәпкәчә яшьтәгә балаларга исәпләнгән.
КидСпейс балалар шәһәрчегендә юл хәрәкәте кагыйдәләре буенча танып-белү квесты узды. 52 гимназиянең өченче сыйныф укучыларына юл йөрү кагыйдәләре турында сөйләделәр, барлык белемнәрен практикада ныгыттылар. Яшь катнашучыларның әти-әниләре дә читтә калмады — алар юл йөрү кагыйдәләрен кабатладылар, махсус билгеләнгән мәйданчыкта тест уздылар.
Кечкенә генә шәһәр буйлап сәяхәт иткәндә, бала уен аша юл хәрәкәтенең төп кагыйдәләрен аңларга һәм үзләштерергә, практикада файдалы күнекмәләр алырга мөмкин. Ул үзен юлдагы гадәттән тыш хәлләрдә дөрес тотарга, велосипедта йөрү кагыйдәләрен белергә, хәтта модельле юлда йөрергә, төрле транспорт төрләре, уеннар куркынычлыгы турында белергә, шулай ук беренче ярдәм күрсәтергә өйрәнә.
Россия Федерациясе территориясендә үткәрелә торган юлларда куркынычсызлык атнасы турында әйтеп тә тормастан, бүгенге чарага тукталсак. шуны әйтер идем. Монда, Казанда, кидспейс балалар шәһәрчегендә без нәкъ менә балаларыбызга юлдагы барлык хәлләрне үзләштерергә мөмкинлек бирүче барлык локацияләрне ачтык.
Проектны Бөтенроссия юл хәрәкәте куркынычсызлыгы атнасына туры китереп башлап җибәрделәр. Авариянең рәсми статистикасы мәгълүматлары буенча, соңгы 7 айда Казан юлларында юл-транспорт һәлакәтләре саны 8% — ка, ә үлүчеләр саны 10% — ка кимегән. Әмма уңай үзгәрешләргә карамастан, балалар катнашында юл-транспорт һәлакәтләре саны 16% ка арткан. Мондый танып-белү уеннары үткәрү укучыларга кагыйдәләрне яхшырак өйрәнергә ярдәм итә, дип ышана инспекторлар.
Ангелина Морозова, Никита Граханцев, Татарстан яңалыклары.
