Татарстанда VIII чакырылыш Дәүләт Думасына сайлауларда өч көнлек тавыш бирү процедурасы тәмамланды. ТР Үзәк сайлау комиссиясе мәгълүматлары буенча, барысы да штат режимында узды.
Республикада тавыш бирү 2810 сайлау участогында узды, шул исәптән 46 сайлаучыларның вакытлыча тору урыннарында (38 — хастаханәләрдә, 4 — Сеҗе, 2 — шифаханәләрдә, 1 — аэропортта, 1 – тимер юл вокзалында). Барлык участоклар да бүген, 19 сентябрьдә 20: 00 сәгатьтә ябылды. Хәзер сайлау комиссияләрендә бөтен сайлау кампаниясенең мөһим этабы — тавышларны санау башланды.
Тавыш бирү барышын 16 меңгә якын күзәтүче (сәяси партияләр, кандидатлар, Иҗтимагый палатадан иҗтимагый күзәтүчеләр вәкилләре) контрольдә тотты. Тавыш бирү көннәрендә Татарстанның сайлау участокларында халыкара күзәтүчеләр Миссиясе экспертлары да эшләде.
Хәзерге вакытта Иҗтимагый күзәтү үзәге үз эшен дәвам итә. Монда сайлау участокларында урнаштырылган күзәтү камераларыннан трансляция алып барыла. Тавыш бирү көннәрендә республиканың барлык сайлау участокларында видеокүзәтү һәм видеофиксация камералары эшләде.
Өч көн тавыш бирү тәмамланганнан соң, Роспотребнадзор мәгълүматлары буенча, участокларда тәртип бозулар ачыкланмады.
18:00гә Татарстанда сайлауларда барлык сайлаучыларның 74,9% ы катнашкан.
