Уку елы башында Татарстанда биш яңа мәктәп ачылды. Казанның Салават күпере микрорайонында күппрофильле лицей эшли башлады. Укучылар һәм ата-аналарның шатлыгын Татарстан Президенты Рөстәм Миңнеханов та уртаклашты. Тантанадан репортаж.
Яңа уку йортында күп төрле яңалыклар.188 нче лицейда интерактив дәресләр укучыларга тагын да күбрәк белем алырга мөмкинлек бирә.
Монда барысы да яңа. Заманча җиһазландырылган кабинетлар, экологик белем бирүгә аерым игътибар.
Аш-су әзерләү осталыгын да камилләштереп була. Урта сыйныф укучылары татлы эчемлекләр әзерли.
“Бионика” лицеендагы беренче тантаналы линейкада Рөстәм Миңнеханов та катнашты.
Лицейның зур киләчәге бар. Беренче сыйныфка гына да 8 төркем җыелган. Әлегә лицей укучылар белән 60 процентка гына тәэмин ителгән. Бистәнең кызу темплар белән үсүен исәпкә алсаң, ук елы барышында аның укучылар белән тулыланачагына шик юк.
Вадим Струминский, Ренат Сәхибгәрәев, Татарстан яңалыклары.
