Республикада «Агростартап» грантын алуга проектларны сайлап алу конкурсы тәмамланды. Барлыгы 152 гариза бирелгән, шуларның алтысы быел теркәлгән шәхси эшмәкәр.
Татарстан Авыл хуҗалыгы һәм азык-төлек министрлыгыннан хәбәр итүләренчә, конкурс комиссиясе икътисади яктан нәтиҗәле 60 проектны сайлап алган. Алар тиздән авыл хуҗалыгы продуктларын җитештерә башлый. Быел ук байтак эш урыннары булдыралар. Сөтчелек тармагы буенча грантны 24 кеше җиңүче булды, Аларга 73 миллион сумлык ярдәм бирелә. ИТ җитештерү өчен 22 кеше 66 миллион сумлык грант откан. Сарык, ат, кош-корт асраучыларга, балык үрчетүчеләргә, бөртекле культуралар, яшелчә, җиләк җимеш үстерүчеләргә дә булышканнар.
