8-10 сентябрьдә Казанда «Россия — спорт державасы» форумы була. Анда илнең барлык төбәкләреннән өч мең делегатның катнашуы көтелә.Әлеге форум нәкъ менә Казанда 2009 елда башланып киткән иде. Аннан соң ул башка шәһәрләрдә уздырыла башлады. Пандемия сәбәпле, булмыйча торды.
8-10 сентябрьдә яңадан «Казан Экспо» комплексында уза. Пленар утырышның төп темасы «Спорт-2030: тотрыклы үсешкә юл» дип атала. Форум барышында шулай ук төбәкләрдә спортны цифрлаштыру турында киңәшмәләр, күргәзмәләр оештырыла. Ә Татарстан экспозициясе республиканың иң яхшы спорт казанышлары, гамәлгә ашырылган һәм планлаштырылган проектлар, безнең командаларның спорт тормышындагы мөһим вакыйгалар белән таныштырырга тиеш.
