Сугыш каһарманының гәүдәсен, 79 елдан соң, туган ягында кабат җирләделәр. Аның даны да кайтты. Чаллыда Кызыл армияче, Кузьмин Никита Николаевичның җәсәден тапшыру тантанасы узды. Ир-ат Бөек Ватан сугышында катнашкан, Ржевск өлкәсендә һәлак булган һәм, ниһаять, җәсәден зурлап күмү өчен туганнары бергә җыелды.
Никита Николаевичка фронтка киткәнды 22 яшь кенә була. Ул 371 нче укчылар дивизиясендә хезмәт итә. Башка йөзләгән мең солдат кебек үк, 42 нче елда Ржев шәһәрен азат итүдә катнаша. Кызганыч, документлар нигезендә, туган ягына кайтырга насыйп булмый, 10 августта һәлак була була. Эзтабарлар Чаллы солдаты күмелгән урынны быел гына таба алды.
Минем кулымда солдатның медальоны, без аны язгы вахта барышында табып алдык. Медальонны экспертиза ярдәмендә генә ача алдык, кыр шартларында мөстәкыйль ача алмадык. Чөнки бу бик катлаулы эш, капсула гильзада иде. Без аны укый алмадык.
Белгечләр исем-фамилиясен таныды.
Эзтабарлар отряды Бөек Ватан сугышында катнашучының туганнарын шәһәр хакимияте аша тапкан. Хәзер Чаллыда аның оныгы яши. Аның сүзләренә караганда, әбисе бабасы турында бик еш сөйләгән булган. Бер-берсен яратып өйләнешүләре, яратып яшәүләре турында әйткән. Озак вакытлар алар бабаларын туганнар каберлегенә күмелгән дип ышанган.
Бездә бабай туганнар каберлегендә күмелгән дигән мәгълүмат бар. Шуңа күрә без тыныч идек, бернинди эзләнүләр алып бармадык. Хәрби комиссариатта ул Ржевск өлкәсендәге туганнар каберлегендә күмелгән,дип уйлаганнар. Ә эзтабарлар бабайны табулары турында хәбәр иткәч, бу безгән бик дулкынландыргыч булды. Бик гаҗәпләндек.
Бер хатны ул, фронттан җибәрергәә өлгергән. Тик, кызганыч, ул бездә сакланмаган.
Сугыш герое белән хушлашырга туганнары гына түгел, шәһәр хакимияте, хәрби комиссариат вәкилләре һәм элеккеге хәрби хезмәткәрләр дә килгән иде. Эзтабарлар отряды якындагы елларда һәлак булган барлык солдатларның җәсәдәләре дә туган җирләренә әйләнеп кайтачагына өметләнә.
Ләлә Зәйнуллина,Татарстан яңалыклары, Чаллы.
