Татарстанда Дәүләт Думасына сайлауларда көндәшлек бер урынга ун кешегә җитә.
ТР Үзәк сайлау комиссиясе рәисе Андрей Кондратьев РФ Дәүләт Думасына сайлауларда Татарстанда көндәшлек бер урынга ун кешегә җитә, дип хәбәр итте. Теркәү өчен документлар кабул итү тәмамланды. Аларны 54 кеше тапшырган. Алар алты мандатлы округ буенча көрәшкә керә алачаклар.
Округ сайлау комиссияләре документларны тикшерүгә керешә. 15 августка кадәр кандидатларны теркәү яки теркәүдән баш тарту турында карарлар кабул ителә.
