Көннәрнең эссе һәм коры торуы сәбәпле, республиканың 42 районында гадәттән тыш хәл режимы кертелгән. Бу хакта ТатарстанОнлайн программасының турыдан-туры эфирында Премьер-министры урынбасары — авыл хуҗалыгы һәм азык-төлек министры Марат Җаббаров хәбәр итте.
Ел авыл хуҗалыгы, бигрәк тә игенчелек тармагы өчен авыр килде.Чүпрәле районы.нда гына яңгырлар яуган. “Әгәр хәзерге кебек көннәр коры торса, бу районда да гадәттән тыш хәл кертелергә мөмкин», — диде министр. Югыйсә, язын барысы да яхшы гына башланган иде, яңгырлар вакытында яуды, чәчү эшләре дә тиешенчә оештырылды. Бер гектарга 70 килограммнан артык ашлама кертелгән, ләкин артык эсселек, яхшы яңгырлар яумавы үз төзәтмәләрен кертте. Малларга җитәрлек күләмдә азык әзерләүдә проблемалар бар. Күп кенә районнар тирә -күрше төбәкләр территорияләрендә азык запасы җыя. Зур терлекчелек һәм кошчылык комплекслары бөртек сатып алу өчен сөйләшүләр алып бара. Шәхси хуҗалыкларда да маллар санын саклап калу мөһим.
