Коры эссе көннәрдә су кондызлары активлык күрсәтә. Тукай районындагы “Росинка” бакчачылык ширкәтендә моңа үз күзләре белән инандылар. Быел ширкәт янындагы елга саеккан. Бакчачылар моңа суда үзләренчә плотина корып, оялар ясаган кондызларны гаепли. Алар судагы корылмаларны җимерергә мәҗбүр булган. Теманың дәвамы киләсе сюжетта.
Көннәрнең гаять коры торуы нәтиҗәсендә елгада су бөтенләй саеккан. Болай да сусызлыкка интеккән бакчачылар моңа су кондызлары гаепле дип саный. Алар елгада плотина корып, үзләренә оя ясаганнар. Бакчачылар өмә ясап, шушы ояларны туздырганнар.
Ширкәт рәисе кондызларны кууда катнашмадым, дисә дә, безгә буаның урнашкан урынын күрсәтте.
«Халык инициативасы» экологик хәрәкәте биоресурслар буенча комитетка, плотиналарның җимерелүен күрсәтеп, видеоязма җибәргән.
Буаны җимерү теләген барысы да хупламаган. Кайберәүләр моның законсыз булуы, штрафка тартылу мөмкинлеген дә искәрткән. Әлегә кадәр кайберәүләр кондызларга китергән хилафлык өчен җавап тотарга кирәк дип саный.
Бакчачыларга суны атнага берничә тапкыр, иртән һәм кичен генә бирәләр. Ә ул барлык участокларны сугаргу җитми. Проблеманы шуннан эзләргә кирәктер, бәлки.
