Уртак проектларны гамәлгә ашыру буенча Татарстан Президенты Рөстәм Миңнеханов Хөкүмәт Йортында Кубань өлкәсенең эре предприятиесе генераль директоры Алексей Прокопенко белән очрашты. Элек әлеге компания Яшел Үзәндә сәнәгать мәйданчыгында күпләп-бүлү үзәге ачкан иде.
Рөстәм Миңнеханов йөк машиналары җитештерү өлкәсендә хезмәттәшлекне үстерү турында компания идарәсе рәисе Шәүкәт Умурзаков белән фикер алышты. Җитештерүче Үзбәкстанда Камаз җәмгыяте белән бергә эшли.
Татарстан Республикасы Президенты Рөстәм Миңнеханов Казанда «Туган авылым» милли комплексында булды. Һөнәрчеләр, рәссамнар күргәзмәсе, дини һәм дөньяви кием коллекциясе, татар ашлары, гомумән мәдәниятебезнең үткәнен, бүгенгесен чагылдырган милли мәйданчыклар Туган авылымда даими күренеш. Җәяүле сәфәр вакытында Татарстан Президенты әлеге мәйданчыкларда булды, туристлар белән аралашты. Кунакларга Туган авылым биләмәләрендәге кафе һәм рестораннарда пешерелә торган милли ашларның рецептлары турында да белешмә бирелде.
