Россия төбәкләренең урта һөнәри белем бирү учреждениеләрендә документлар кабул итү башланды. Кабул итүнең гамәлдәге тәртибе буенча документларны илтеп тапшыру, шулай ук электрон почта яки «Дәүләт хезмәтләре» порталы аша да биреп була. Бу турыда Татарстан Мәгариф һәм фән министрлыгының матбугат хезмәте хәбәр итте.
Хәзерге эпидемиологик шартлар белән бәйле рәвештә, Россия Мәгариф министрлыгы төбәкләргә документларны электрон формада кабул итүне оештыру турында тәкъдимнәр җибәрде. Урта һөнәри белем бирү системасында һөнәри белем бирү программаларын гамәлгә ашыручы 3611 белем бирү оешмасы эшли, шуларның 3273 — профессиональ белем бирү оешмалары, 338 — югары белем бирү мәгариф оешмалары. Һөнәри белем бирү оешмаларына керүчеләр саны ел саен арта бара. 2017 елда укырга керүчеләр саны — 960 меңнән артык булса, узган ел аларның саны 1 миллион 200 меңгә җиткән.
