Татарстан Республикасы Президенты Рөстәм Миңнеханов эш сәфәре белән Үзбәкстанга барды. Көн тәртибе буенча төп чара буларак «Татарстан-Үзбәкстан» эшлекле форумы уздырылды.
Чара башланыр алдыннан «УзЭкспоүзәк» милли комплексында Татарстан сәнәгать предприятиеләре күргәзмәсе тәкъдим ителде. Форумны ачып, Рөстәм Миңнеханов Россия-Үзбәкстан мөнәсәбәтләре кысаларында төбәкләр дәрәҗәсендә эшнең мөһимлеген билгеләп үтте.
Үзара хезмәттәшлек турында сөйләшү Үзбәкстан Президенты Шәүкәт Мирзиев белән очрашуда дәвам итте. Хезмәттәшлек турында килешү 1993 елда ук төзелгән иде, һәм бу елларда республиканың эре предприятиеләре белән күп кенә уртак проектлар эшләнде.
Ә Үзбәкстан Премьер-министры Абдулла Арипов «Россия белән Үзбәкстан арасындагы мөнәсәбәтләр күтәрелеш кичерә. Сезнең җитәкчелектә Татарстан — Россиянең иң уңышлы субъектларыннан берсе. Ышанам ки, бу визит безнең мөнәсәбәтләрне тагын да тирәнәйтергә мөмкинлек бирәчәк», — дип белдерде.
Шулай ук Рөстәм Миңнеханов Үзбәкстан вице-премьеры, Сәрдәр Умурзаков белән очрашты. Узган ел ике яклы товар әйләнеше 156 миллион доллардан артып киткән. Үзбәкстанның Татарстан белән хезмәттәшлеген киләчәктә дә ныгытырга теләвен билгеләп үтте. Инвестицияләр һәм тышкы сәүдә министры.
