19 июньдә — киләсе шимбәдә Татарстанда яшәүчеләр мари халкының «Семык» милли бәйрәмендә катнаша ала. Ул Актаныш районында уза. Матбугат конференциясендә республикабызның башка якындагы бәйрәмнәре турында да сөйләделәр. Якын арада республика халкы традицион мәдәниятнең тагын берничә бәйрәмен карый ала. Болар — мордваларның «Балтай», удмуртларның «Гырон быдтон», чувашларның «Уяв» һәм «Питрау» керәшен мәдәнияте бәйрәмнәре. Аларның һәрберсе уңыш бәйрәмен хәтерләтә, һәр халыкның милли үзенчәлекләрен, гореф-гадәтләрен чагылдыра. Быел бәйрәмнәр онлайн һәм офлайн форматларда уза. Анда кунаклар һәр мәдәниятнең үзенчәлекләре белән таныша. Иҗади коллективларның чыгышларын карый, күргәзмәләр һәм мастер-класслар белән таныша ала.
