Быелгы Сабан туе кайда гына үткәрелсә дә аеруча кадерле көтеп алган бәйрәм. Яшел Үзән районының Түбән Урысбага авылында узган Сабан туен да авыл халкы көтеп алды. Бәйрәм мәйданыннан хәбәрчебез Мөршидә Җиһан репортажы.
Сабан ашлыгы хөрмәтенә тантана дип үткәрелә башлаган бәйрәмне һәр оештыручы үзенчә төрләндерә. Бәйрәм алдыннан борынгыдан калган гадәт буенча сөлге җыелды, ә төп бәйрәм ярты гасырдан артык әнә шушы мәйданда уза.
Яшьләр өчен күңел ачу чарасына әверелгән әлеге бәйрәмнең элегрәк ничек үткәнен хәтерләүчеләр бар, ләкин алар да 90ны түгәрәкләп килә .
Колхоз хисабына үтә иде Зәйтүнә апа искшә алган сабан туйлары . Ул вакыт исеме дә җисеме дә дәрәҗәле. Сабан туе батыры калу ул абруй һәм хөрмәт казану дигән сүз. Түбән Урысбага авылының үткән гасыр батыры Әгъзам Хәялиев. хөрмәт казанучыларның берсе. Сабан туе көрәше быел аның тууына 90 ел тулуга багышлап үткәрелде.
Сабан туе гадәттәгечә бала-чагаларны уйнатудан башланды
Балаларның җиңүчеләренә генә түгел катнашучыларына да бүләк өләште оештыручылар. Моның өчен авыл халкына рәхмәт, бәйрәм үткәрү өчен мөмкинлегеннән чыгып ярдәм итүчеләр күп булды, ә төп иганәчебез “Каздорстрой”ның директорлар советы рәисе Равил Гарипов дип уртаклашты авыл җирлеге башлыгы.
Бер якта таяк тартучылар икенчесендә тавык куучылар, өченчесендә көянтә-чиләк белән су ташучылар ярыша. Сабан туе күңеллелеге уеннарда катнашучыларга бәйле. Югыйсә, әнә бит су ташучы булмагач, көянтә ничек турайган. Шулай да киленнәр сынатмады.
Татарстанның халык артисты Рәшит Сабиров та якташларын котлап чыгыш ясады.
Тау иленнән килгән мәдәният хезмәткәре Гөлфинә Сәлахова музыкаль бүләкләр җиткерсә, тулаем бәйрәмне җирле мәдәният йорты җитәкчесе Люция Садриева алып барды .
Әлеге мәйданда кем генә бил алышмаган. Әгъзам Хәялиев призына үткәрелгәен сабан туе көрәше дә ярыш рухында барды. Хөкем гадел.
Иң мөһиме Әгъзам абыйның дәамчылары көрәшчеләр үсеп килә. 16 яшьлекләр арасында сәет Хәйруллин , Ә авыл сабан туе батыры булып аның абыйсы Муса Хәйруллин калды.
Әгъзам Хәялиев исемендәге призны, ягъни абсолют батыр исеменАйдар Әхмәтов яулады.
Мөршидә Җиһан, Ирек Хәмидуллин. Татарстан яңалыклары өчен Яшел Үзән районыннан.
