Татарстанда Якутия көннәре дәвам итә. Бөтендөнья татар конгрессы Башкарма комитетында Саха- (Якутия) Республикасы делегациясе белән очрашу узды.
Бөтен дөньядагы татарларны берләштерүче иҗтимагый оешма эшчәнлеге белән танышырга Саха (Якутия) Республикасының тышкы багланышлар һәм халыклар эше буенча министры урынбасары Владимир Спиридонов, Саха (Якутия) Республикасының Татарстан Республикасындагы вәкиле Рамил Закиров, башка вәкилләр һәм Якутиядә яшәүче татарлар килде.
Данис Шакиров Бөтендөнья татар конгрессының эш тәҗрибәсе белән уртаклашты. Кунакларның фикерләре дә Саха (Якутия) республикасының мәйданы кебек киң, бриллиатланры кебек төгәл әйтелде. 1989 елгы җанисәп алу нәтиҗәләре буенча Якутиядә 17478 татар яшәгән. Ә 2010 елда 8 меңгә калган. Саха (Якутия) Республикасының “Туган як” татар мәдәни үзәге иҗтимагый оешмасы рәисе Игорь Хәлилов 2021нче елда узачак Бөтенроссия халык санын алуга актив әзерлек бара. “Без “татар” дигән сүзнең горур яңгыравын телибез”, – дип билгеләп үтте. Шулай ук Якутиядә федераль Сабантуй уздыру мәсьәләсе күтәрелде .Эшмәкәр Фларит Хафизов бюрократия мәсьәләләрен хәл итсәк Татарстанда ул химия өлкәсендә бизнес проектны гамәлгә ашырыр идек дип белдерде, берочтан Соңгы елларда Татарстан белән Якутия арасында сәүдә әйләнеше 4 млрд сумны тәшкил иткән. Очрашуда катнашкан галим Дамир Исхаков якутлардан үрнәк алырга кирәклеген искәртте.
Дамир Исхаков
тарих фәннәре докторы, этнолог
Татар белән якутларның уртаклыклары бик күп. Ул телдә дә чагыла. Мәсәлән кубыз сүзе., ягъни ике милләт тә бер кубызга биетә. МөршидәҖиһан. Ирек Хәмидуллин
