Николай Эрнестович Бауман исемендәге Казан Дәүләт Ветеренария медицинасы академиясенең зооинженерлык факультетын 41 ел элек тәмамлаучы курсташлар чираттагы очрашу кичәсенә җыелды. Традициягә кергән биш ел саен күрешүнең матур мизгелләрен бездә күреп кайттык.
Күптән күрешмәгән, дуслар Бүген бергә җыела
Очрашуны кеше һәрвакыт дулкынланып, канатланып һәм зарыгып көтеп ала.
Бүгенге күрешу дә бер ел элек булырга тиеш булган иде. Билгеле сәбәпләр аркасында кичектерелә. Һәм ниһаять кабат яшьлеккә алып кайтучы очрашу кичәсе курсташларны бергә җыя.
Бер үк факультетны тәмамласалар да, араларында мәктәп директоры, мәдәният йорты директоры, 40 елдан артык колхозда эшләүчеләре дә бар.
Эшкә бөтен гомерен багышлаган, үз һөнәренең осталарына авыл хуҗалыгы министры исеменнән министр урынбасары Ленар Гарипов рәхмәт хатлары, истәлекле бүләкләр тапшырды.
Ветеренария академиясе ректоры хөрмәтле кунакларның күңелендә очрашу гомергә истә калсын дип уку йорты исеменнән бүләкләп рәхмәтләрен җиткерде.
Безнең академиядә мондый очрашулар еш уза, курсатшалр очрашып, яшь чакларын, студент вакытларын искә ала. Тормышта ирешкән уңышлары белән уртаклашалар. Безгә бу традиция бик ошый, академия үз студентларын шатланып кабул итә. Бу очрашуларда без академиянең бүгенге көнкүреше, ирешкән уңышлары белән уртаклашабыз. Быел берничә чыгарылыш очраша, 21, 36, 41 ел элек тәмамлаучылар. Бу күрешүләр аша без яшь буынны академиябезгә җәлеп итәбез, димәк авыл хуҗалыгы эше дәвам итә.
Очрашуга мәңге килә алмасалык итеп бакыйлыкка күчкәннәре дә бар инде, аларның рухына дога булып барсын дип бер минут тынлык белән искә алды курсташлар.
1980нче елны Ветеренария институтын тәмамлаучыларның олы сөенечләренең берсе аларның укытучылары Абдуллаҗан Әбделкадыр улын күрү иде, ул үзе дә шәкертләрен янына канатланып килгән.
Әле официаль өлеше тәмамланганнан соң да озак кына сөйләшеп, тормыш хәлләре белән бүлешеп утырды алар. Кичәгә тормыш, гаилә мәшәкате аркасында килә алмаучыларны бер-берсеннән сорашып, сәламнәр җибәрште туганнар кебек якын курсташлар.
Бер күрешү үзе бер гомер. Биш елдан тагын күрешәбез дип сүз биреп китте алар бер-берсенә. Биш түгел, ун, унбиш елдан соң да күрешеп, яшәреп кайтырга насыйп булсын шундый җылы, матур, күркәм очрашудардан.
Алия Галиуллина, Ирек Хәмидуллин, Татарстан яңалыклары.
