Cоңгы көннәрдә талпаннар активлашкан. Республикада талпан тешләгән 500 дән артык кеше медицина ярдәме сорап мөрәҗәгать иткән.
Талпаннардан вируслы энцефалит яки башка йогышлар белән авыру очраклары әлегә теркәлмәгән. Дүрт йөз гектардан артык мәйдан талпаннарга каршы эшкәртелгән. Быел энцефалиттан ике меңгә якын кеше прививка ясаткан, шуларның 162 се — балалар. Роспотребнадзор Идарәсе искәртә: урманга барганда, тәннең ачык урыннарын калдырмыйча, дөрес киенергә, саклану чараларын күрергә, табигатьтә булганнан соң, тәнне тикшерергә, талпан утырган очракта, табибка мөрәҗәгать итәргә кирәк.
