Зәй, Нурлат, Чистай районнарында малларга азык әзерләүгә керештеләр.
Зәй районы хуҗалыклары 250 гектарда күпьеллык үләннәрне чапкан, 480 тонна сенаж әзерләгәннәр. Барлыгы 7305 гектардагы күпьеллык үләннән 41 мең тонна сенаж әзерләргә планлаштыралар. Эшне кызу тотарга кирәк, югыйсә азыкның сыйфаты бозылырга мөмкин. Сенаж мөгезле эре терлекләрне кышкы чорда ашату рационында бик мөһим азык, алыштыргысыз компонент булып тора. Республика буенча барлыгы 2100 гектарда күпьеллык үләннәр чаптырылган.
