Нурлатта авыл җирлекләрендә активлыкны арттыру, хуҗалык итүнең кече формаларына булышу мәсьәләләренә багышланган йомгаклау киңәшмәсе узды. Республика районнары, авыл җирлекләре башлыклары, фермерлар һәм Чулман аръягы территорияләрендәге шәхси ярдәмче хуҗалыклар вәкилләре фермерлыкны үстерү тәҗрибәсе белән танышты, ә пленар утырышта шундый зона очрашуларына йомгак ясалды. Тулырак киләсе репортажда.
«Нурлат сөте» хуҗалыгында үгезләр симертәләр. ашлык үстерәләр, маллардан сөт савалар. Сөт цехында көн саен 15 тонна сөт эшкәртеп,12 төр продукция җитештерәләр. Әле яңарак кына ярымфабрикатлар һәм ит продуктлары җитештерү цехы ачылган. Анда тәүлегенә 5 тоннага кадәр ит эшкәртелә. Үзләре үк икмәк-күмәч тә сала, шушы көннәрдә биредә чиста су тутыру цехы да эшли башлый. Боларның барысы да «Нурлат ягы » гомуми бренды белән гамәлдә була.
Нурлат районы-республиканың Чулман аръягы районында зур агробизнес өлкәсендә генә түгел, ә кече авыл хуҗалыгы предприятиеләрен үстерү буенча да лидерларның берсе. Биредә тудырылган шартлардан нәтиҗәле файдаланып эшләргә күнеккәннәр. Парламент рәисе Фәрит Мөхәммәтшинга фермерлар, хуҗалыклар ,зур булмаган предприятиеләр продукциясе тәкъдим ителде.
Авыл җирлекләрендә активлыкны көчәйтү мәсьәләләрен ахырдан пленар утырышта тикшерделәр. Фермерлар, авыл җирлекләре башлыклары күтәргән күп кенә мәсьәләләр оператив рәвештә хәл ителгән. Әйтик, «Минем субсидияләр» системасы эшли башлаган. Ул бер атна дәвамында дотацияләр алу өчен кирәкле белешмәләрне үзе формалаштыра. Хәзер ярдәм төрләре аз түгел. Акча савым сыерларын асрауга, кече фермалар төзүгә бүлеп бирелә, азык үзәкләре төзелә. Эшлекле активлык — ашлык үстерү һәм терлекчелектә генә түгел. Татарстанда 2025 елга кадәр авыл территорияләрен комплекслы үстерү федераль программасын гамәлгә ашыруның беренче ел нәтиҗәләре уңышлы гына.
Фәрит Мөхәммәтшин җирлек башлыкларына урыннарда булдыклы кешеләр табып, аларга ярдәм итүнең барлык чараларын аңлатуны тагын бер кат сорады. Дәүләт Советы рәисе 4 зона очрашуына йомгак ясады.
Иң яхшы нәтиҗәләргә ирешкән авыл җирлекләре, шәхси ярдәмче хуҗалыклар, гаилә фермалары һәм кооперативлар дипломнар, акчалата премияләр алды.
Нурлатка сәфәре барышында Фәрит Мөхәммәтшин «Киләчәк» балалар иҗаты үзәгендә дә булды. Бу-яшь буынга төрле өлкәләрдә үз сәләтләрен ачу, күрсәтү өчен уникаль мәйданчык. Судно модельләре остаханәсе, чүлмәк ясау эше, патриотик хәрәкәт, театр студияләре, хәтта үз мультстудияләре дә бар. Балалар парламент башлыгына Габдулла Тукай әсәрләре буенча куелган беренче мультфильмны күрсәтте.
Ә кайбер нурлатлылар өчен бу көн озакка истә калыр. Алар яңа фатир ачкычларын алды. Өч катлы йорт нефть тармагы хезмәткәрләре өчен социаль ипотека буенча төзелгән.
СХР Илья Казанбаев «Нурлатнефть» идарәсенең әйдәп баручы белгече
Фәрит Мөхәммәтшин яңа фатирга күченүчеләрне котлады, һәркайсына бәхетле гаилә тормышы теләде.
Дмитрий Второв, Эдуард Мөхәммәтҗанов, Татарстан яңалыклары, Нурлат районы.
