Шул уңайдан Республика авыл хуҗалыгы һәм азык-төлек министрлыгы аларны башкалага кунакка чакырды. Тулырак мәгълүмат хәбәрчеләребез язмасында.
Икмәк булса, җыр да була. Җырлый–җырлый ерак алараларны якын итеп Казанга килгән Азнакай районы ветераннарының сәяхәте Игенчеләр сараеннан башланды.
Кунакларны Татарстан Республикасы агросәнәгать комплексының Ветераннар советы рәисе Марс Шәрипов җитәкчелегендәге вәкаләтле вәкилләр каршы алды.
Татарстан Республикасы авыл хуҗалыгы һәм азык-төлек министры Марат Җаббаров Азнакай районы ветераннар оешмасын бирегә юбилей уңаеннан гына түгел, ә аларның эшчәнлеге республикада үрнәк итеп куелганнга да чакырган. Нәкъ менә Азнакайдагы эшлекле очрашуга баргач ветераннар эшен күреп үзе тәкъдим итте дип сөйләде Миргасыйм Кәримов.
43 ветеран арасында 41 ел гомерен авыл хуҗалыгы тармагынла багышлаган, агроном да, күмәк хуҗалык җитәкчесе дә булып эшләгән Рудис Сәлахов та бар. Эш дәверендә ул Татарстан гына түгел Россиякүләм ил башлыклары белән дә шәхсән очраша.
Азнакай ветераннарының тынгысыз хезмәте үрнәк нәтиҗәләргә китерә. Шуңа да күп кенә районнар, Айзнакайга барып та тәҗрибә туплый.
Азнакай ветераннары белән Татарстан Республикасы авыл хуҗалыгы һәм азык-төлек министрының беренче урынбасары Наил Залаков белән очрашты һәм аларның эшчәнлегенә югары бәя бирде. Рәхмәтен белдерде.
Азнакай районының мактанырлыгы бар әлбәттә, данлыклы сувенирлары гына да ни тора.
Очрашу барыгшында сораулар белән мөрәҗәгать итүчеләр дә булды. Ә аннары Татарстан Республикасы агросәнәгать комплексының Ветераннар советы рәисе Марс Алиев кунаклар өчен Казан Кремле буенча сәяхәт оештырды.
Татарстан Республикасы агросәнәгать комплексының Ветераннар советы рәисе
Республикакүләм ветераннар оешмалары үзара гел аралашып яши. Бер-берсеннән үрнәк ала.
Районның чәк-чәкле чаралары Фәридә Шәйдуллинадан башка үтми. Бүгенге очрашуга да чәкчәкне ул пешереп килгән. Алай гына да түгел калфаклар, чигүле алъяпкычлар да аның кул эше.
Азнакай районының ветераннар советы рәисе Миргасыйм Кәримовны районда белмәгән кеше юк. Алай гына да түгел, аны республика җитәкчелеге дә бик яхшы белә. Казанга берәр чарага бармый калса, «Кәримов кайда?» дип сорамый калмыйлар икән.
Гомер буе авыл хуҗалыгы тармагында төрле вазыйфаларны башкарган Азнакай ветераннарының көне әнә шулай үтте.
Мөршидә Җиһан. Гөлнара Муллаәхмәтова. Ирек Хәмидуллин. Татарстан яңалыклары.
