Буада районның сөлге чигү осталарын ачыкладылар. “Ак калфак” оешмасы оештырган фестивальдә күз явын алырлык берсеннән-берсе матур чигү үрнәкләре күрсәтелде. Чуваш авылларында яшәүчеләр дә чигү белән мавыга. Милли традицияләрнең ничек дәвам итүе турында киләсе репортажда.
Милли бизәкләр чигелгән сөлгеләрнең һәрберсе үзенчәлекле. Осталар гасырлардан килгән күркәм традициягә тугрылык саклый. Әлеге эшкә әүвәл алынучылар да, энә белән җепне еллар дәвамында кулларыннан төшермәүчеләр дә бар.
Район күләмендә игълан ителгән сөлге чигү бәйгесенә йомгак ясалды. Осталарга район башлыгы исеменнән рәхмәт хатлары тапшырылды.
Чигү осталары гармунда ут уйнатып милли көйләрне башкардылар, бергәләп Туган телне җырладылар.
Алсу Сәмигуллина, Сирин Хәсәнов. Татарстан яңалыклары, Буа районы.
