Рөстәм Миңнеханов Казанның 175-нче номерлы мәктәбенә килде, анда бүген билгесез затлар ату оештырды. Бу хакта ТР Президенты матбугат хезмәте җитәкчесе Лилия Галимова хәбәр итте.
«Бүген бөтен республика, илебез өчен зур фаҗига. Кирәк булган ярдәм күрсәтеләчәк. Без болай килеп чыгуына бик үкенәбез«, — диде Рөстәм Миңнеханов «Россия 24 » эфирында.
Вакыйга урынына Татарстан Республикасы Премьер-министры Алексей Песошин, Татарстан Республикасы Президенты Аппараты Җитәкчесе Әсгать Сәфәров, Татарстан Республикасы буенча Эчке эшләр министры Артем Хохорин һәм Татарстан Прокуроры Илдус Нәфыйков та килде.
Бүген Казанның 175-нче номерлы гимназиясендә билгесез кешеләр атыш оештырган, аның нәтиҗәсендә, тугыз кеше һәлак булган, тагын ун кеше зыян күргән.
