«Балалар рәсем ясый» республика конкурсы дәвам итә. Казанның “Адымнар” күп телле 180 нче гимназиясе укучылары да үз иҗат җимешләрен тәкъдим итте. Быел конкурс 15 нче тапкыр уза. Төп темалар — Татарстанда туган телләр һәм Халыклар бердәмлеге, Россиядә Фән һәм технологияләр елы, куркынычсыз юллар, кешеләр гомере сагында торучы табибларга рәхмәт җиткерү.
Рәсем ясауга керешкәнче, үз төбәкләре, үз милләт традицияләре турында фикер алыштылар. Казандагы күп телле 180 нче гимназиянең өченче сыйныфында төрле милләтләр балалары укый. Күбесе рәсемнәрен туган телләренә багышлаган.
«Балалар рәсем ясый» республика конкурсы быел фән һәм технологияләр, куркынычсыз юллар,, табибларга рәхмәт сүзе темаларына да багышланган. Бу гимназиядә рәсемнәрнең күпчелеге туган телләр һәм Халыклар бердәмлеге елына багышланган.
Балаларныэ фикерләве үзенчәлекле, хыяллары чиксез. Традицияләрне үзләречнә күрәләр.
Май ахырына кадәр рәсемнәр республика шәһәрләре һәм районнары мәгариф бүлекләрендә кабул ителә. Җиңүчеләрне бүләкләү тантанасы 12 июньдә Казанда — Россия көнендә узачак
Эльмира Исмәгыйлова, Татарстан яңалыклары.
