Мөслим районы лицей-мәктәбенең төп максаты — баланың табигать тарафыннан бирелгән сәләтен үстереп, аны белемле, иҗади шәхес итеп тәрбияләү. Шуңа да әлеге белем йорты гел алдынгылар рәтендә. Хәбәрчебез Мөршидә Җиһан алдынгы мәктәпнең эш алымнары белән таныштырыр.
Заманалар үзгәрә. Бүгенге әти-әниләр педагоглар алдына укыту һәм тәрбия эшендә югары таләпләр куя. Баланың сәләтен дөрес юнәлештә үстергәндә ул берничә өлкәдә үзенең талантын күрсәтә ала. Лицеебызда 521 бала укый, аларның һәрберсе үзәнә күрә иҗади һәм сәләтле дип ышандыра директор Лилия Хәбибуллина.
Җитәкче кеше өчен абруй да бик әһәмиятле. Бу җәһәттән Лилия Хәбибуллина Мөслимдә генә түгел республика күләмендә дә танылган җитәкче. Ул Ел хатын-кызы бәйгесендә Хатын-кыз лидеры номинациясендә җиңүче дә, Мәгариф һәм фән министрлыгынынң . Иң яхшы мәктәп директоры” грантын отучы да.
Мәктәп укучылары үзләренең данлыклы якташлары турында да белеп үсә. Өч мәгариф министрының туган ягы Мөслимдә фән һәм гыйлем дөньясында дан казанган шәхесләр дә шактый.
Айсылу басып торган коридор түбәсенең йолдызлы күк гөмбәзен хәтерләтеүе дә юкка түгел . Ул астрономия дәресе өчен заманча кулланма.
Бу милли киемнәр сатып алынган түгел , аларны лицей кызлары укытучылары Айгөл Камалетдинова белән бергә технология дәресендә үзләре теккән.
Лицейда төрле милләт балалары тел һәм лөгат алмашып укый. Гомумән, милли мәдәният асылы, милли традицияләр уку белән бергә дәресләрдән тыш чаралар аша да сеңдерелә.
Мөршидә Җиһан, Ирек Хәмидуллин,Татарстан яңалыклары.
