Чаллыга җәмәгать транспорты буларак, автобуслар кирәкме? Пассажирлар йөртүчеләр шушы четрекле сорауга җавап эзли. Чыгымнар акланмый, ә көн азагында хәтта ягулык салырга да акча калмый. Көн кадагындагы проблеманы ничек хәл итәргә тырышалар? Бу хакта киләсе язмада.
Күп пассажир сыйдырышлы маршрутлар җитми, дип зарлана Чаллы халкы. Берничә ай элек юлларда зур автобуслар йөри башласа да, алар җитешми. Бигрәк тә Мәләкәс арьягы микрорайонында яшәүчеләргә кыен. Яңа микрорайонда балалы яшь гаиләләр күп, коляскалар салонда күп урынны ала.
Ә ни өчен соң зур автобуслар уңайлы түгел? Йөртүчеләр сүзләренә караганда, көн ахырына хәтта ягулык салу өчен дә акча җитми. Зыянга эшләргә туры килә, диләр. Микроавтобус йөртүчеләр дә шуннан зарлана.
Барлык маршрутларда да шундый авыр хәл түгел. Чаллы пассажир йөртүчеләре аз кеше сыйдырышлы маршрутларны киметеп, зур автобуслар санын арттыру турында уйлана. Бу җәмәгать транспортының рентабельлелеге проблемасын хәл итәр иде, диләр. Әмма моның тискәре яклары да бар, пассажирларга автобусларны 30-40 минут көтәргә туры киләчәк, дигән фикерне «Пассажирлар йөртү» ширкәте җитәкчесе Николай Тятюшкин. Проблеманы җайга салу турында уйланалар.Конец формы
Диана Малярова, Татарстан яңалыклары, Чаллы.
