2021-2022 елларда «Имин һәм сыйфатлы автомобиль юллары» илкүләм проектын тормышка ашыру өчен төбәкләргә 100 млрд сум күләмендә өстәмә финанслау бүлеп бирелгән.
Татарстан шулай ук илкүләм проект кысаларында юл эшчәнлегенә өстәмә финанс алачак. Шулай итеп, республиканың Питрәч районында Казан — Шәмәрдән автомобиль юлы участогын реконструкцияләүгә акча бүлеп бирелгән.
5 чакрым озынлыктагы участок 4 хәрәкәт полосасы белән проектланган. Машиналар йөрү өлешенең киңлеге — 14 м. Проект буенча шулай ук 3 җир өсте җәяүлеләр кичүе төзеләчәк һәм реконструкцияләнә торган участок дәвамында ясалма яктырту урнаштырылачак.
Шулай ук «Имин һәм сыйфатлы автомобиль юллары» илкүләм проекты кысаларында 2021-2022 елларда Зур Казан боҗрасы һәм Казанның «Серебряный бор» торак комплексы аша Несмелов урамыннан алып федераль әһәмияттәге М-7 «Идел» автомобиль юлына кадәр юл төзелешенә өстәмә акча бүлеп бирелгән.
