Безнең Татарстан Дәүләт телерадиокомпаниясе Русфонд хәйрия җәмгыяте белән берлектә авыру балаларга ярдәм итү буенча уртак проектны дәвам итә. Узган юлы сез Ратмир Фәрхетдиновка ярдәм иттегез. Барыгызга да зур рәхмәт. Бүген Чаллыдан Виолетта Шәйдуллинаның авыру тарихы. Кызның колаклары авырта. Хәзер аңа 11 яшь, бик начар ишетә. Кичекмәсктән операция ясарга кирәк
Виолетта беренче карашка сәламәт бала. Кечкенә колагын кыска итеп кистерелгән чәчләре арасына яшереп йөри. Мәктәптә башка балалар күреп алып, үзеннән көлмәсеннәр өчен шулай итә. Кызның якыннары һәм сыйныфташлары гына уң як колагының ишетмәвен белә.
Ул менә өенә узган атнада гына күз яшьләренә тыгылып, өйгә кайтып керде. Кемдер рәнҗеткән, башка мәктәпкә бармаячак, диде.
Кыз шундый колак белән туа. Йөклелек вакытында бернинди тайпылыш булмый.. Әнисе әлегә кадәр УЗИ рәсемнәрен яңадан карый.
Бу безнең өчен шок булды. Беренче вакытта без моның белән килешеп яшәргә күнектек. Табиблар яхшырак булмас, тик сөйли генә алмаячак диделәр.
Шулай да Виолетта сөйләшә башлый. 7 ел кыз логопед белән шөгыльләнә. Дөрес, ишетү сәләте юкка чыга. Хәзер саңгыраулыкның дүртенче стадиясендә тора.
Без ишетү үзәгендә исәптә торабыз. Ел саен тикшереп торалар. Бу диагноз куркыныч-анда шеш барлыкка килергә мөмкин, алар операция вакытында гына күренә. Ул куркыныч, шеш кинәт үсеп китсә, ул бөтенләй ишетү сәләтен югалтырга мөмкин.
Хәзер Виолетта 5 сыйныфта укый. Тарихны һәм туган телне бик теләп өйрәнә. Олимпиадаларда, конкурсларда катнаша, китаплар укый, сәхнәдә китап геройларын уйнарга , актер булырга хыяллана. Театр студиясенә барып шөгыльләнергә тели.
Америка клиникасы табиблары ярдәм итәргә риза булган. Виолеттка операция кирәк, ул колак пластикасын гына ясап калмыйча, ишетү сәләтен дә кайтарачак.
Виолеттаның бер як колагы зарарланган, ул атрезия һәм микротия дип атала Бала гомерлеккә саңгырау булып калырга мөмкин. Без клиникада кызны дәвалый алабыз. Сез гаиләгә матди яктан булышсагыз, без бик теләп булышыр идек.
Операция кыйммәт тора. Виолетаның әти-әнисе якыннарыннан да, кредитка да акча алып торганнар, тик акча җитми. 1 миллион 97 мең сум җыярга кирәк. Чаллыдан килгән гаилә өчен бу зур сумма. Бу операция — дөньяны ишетергә, сәхнәдә уйнарга, кыскасы тулы торомышта яшәргән хыялланган кыз өчен могҗиза булачак. Мондый мөмкинлекне без бергәләп булдыра алабыз. Моның өчен 5542 номерына «ДЕТИ» сүзен язып, смс җибәрергә кирәк. Бер хәбәрнең бәясе 75 сум. Күбрәк өлеш кертергә теләүчеләргә тулырак мәгълүмат безнең телерадиокомпания һәм Русфонд сайтларында.
Полина Лисина, Владимир Юрков, Татарстан яңалыклары.
