Татарстанның профессиональ җыр сәнгате үсешенә зур өлеш керткән, мәшһүр композитор, татар актрисасы, җырчы Сара Садыйковага мемориаль такта куйдылар. Истәлек тактасы Кәрим Тинчурин урамындагы 7а йорты диварына куелды, артист гомеренең соңгы елларын шушы йортта яшәгән иде.Сара Садыйкованың иҗаты, композитор буларак, барыннан да бигрәк җыр жанры белән бәйле. Ул — моңлы, матур тавышлы җырчы; татар музыкаль фольклорының иң яхшы традицияләре тарафдары. Садыйкованың җырлары берничә дистә еллар дәвамында гаять популяр булып, күбесе халык җырларына әверелде.
Миңгол Галиев —Татарстанның халык артисты
Эмиль Җәләлетдинов-Татарстанның халык, Россиянең атказанган артисты
