Көнлек савым күрсәткечен 600 килограммга кадәр җиткерү һәм мәрмәр ит җитештерә башлау. Мамадыш районының Иске Чәбья авылында яшәүче фермер Газинур Шәфигуллин әнә шундый план белән янып яши.Тырыш, хезмәт сөючән фермер белән без дә очрашып кайттык.
Шәфигуллинның терлек биналары Иске Чәбья авылына кергәндә юлның уң ягында кала. Малларны әлегә арендага алынган бинада асрыйлар. Биредә 60 баштан артык мөгезле эре терлек исәпләнә. Шуларның 40ы савым сыеры. Фермерлык хуҗалыгын Газинур әфәнде 2008нче елда төзелгән.
Газинур Шәфигуллин, фермер хуҗалыгы җитәкчесе
Яхшы гына оешып киткән хуҗалыкка 2010нчы елгы корылык аяк чала. Иген уңмагач, терлек азыгы да кирәгенчә туплана алмый. эшне өр-яңадан башларга туры килә. Хәзерге көндә Шәфигуллиннар гаиләсе 108 гектар җир эшкәртә, 2 тракторлары, бер йөк машиналары бар. 2019нчы елда Шәфигуллинар , Крестян фемер хуҗалыгы булып теркәләләр. “Агростартап” программасында катнашып, 3 миллион сумга якын дәүләт ярдәме алалар.
Узган җәйдә торгызыла башланган терлекләр торагы, быел май аена әзер булыр дип көтеләр. Ул 40 баш савым сыерына исәпләнгән. Хәзер исә, электр кертү, азык өстәле ясау кебек эшләр калып бара. Фермер сөт сезоны вакытында көненә 500 килограмм продукция җитештерә. Кышкы айларда бу сан 300гә тигез.
Илнур Юнысов, Алмаз Камалиев, Рәмзилә Баһаветдинова.
