Республикабыз мәктәпләрендә балаларны тукландыру буенча тикшерүләр дәвам итә. Белем учакларында балаларны тиешле нормалар буенча ашатырга тиешләр. Ризыкның кайнар һәм туклыклы булуы мөһим. Әйтик, Мамадыш районы мәктәпләрендә бу кагыйдәләр үтәләме? Балалар ризыктан канәгатьме? Районның Түбән Ушма авылыннан безнең репортаж.
Иртәнге ашны балалар бик тәмләп ашый. Ничек шулай булмасын, менюда барысы да алар яраткан ризыклар. Әйтик, без килгән көнне малайлар һәм кызлар карабодай боткасы, тавык ите, кәбестә салаты һәм лимонлы чәй белән сыйландылар.
Тик бу гына да түгел. Балалар көнгә 2 тапкыр ашыйлар. Беренчесе берничә ризыктан тора, икенче тапкыр өстәлдә аларны җиләк-җимеш яки камыр ризыклары һәм чәй көтә. Ашханәдә меню ике атна саен кабатлана.
Бу ресторан ашларын хәтерләткән меню, хәзер Түбән Ушма укучылары өчен гадәти хәл. Сүз уңаеннан, ул уку йортында барлык балалар өчен дә бер үк. Ел башында әти-әниләр җыелышыннан соң шундый карар кабул ителә. Директор Илшат Шәйдуллинның тәкъдимен барлык ата-аналар да хуплый.
Илшат Шәйдуллин, Түбән Ушма мәктәбе директоры
Бер көндә бала мәктәптә 51 сум һәм 85 тиенгә ашый. Бер балага ата-ана түләве 34 сум. Әгәр гаилә күп балалы икән шартлар үзгәрә, 3 бала булган очракта 29 сум, 4 яки аннан да күбрәк булса, сумма бер кешегә нибары 19 сум гына тәшкил итә. Ашханәдә туклану өчен урта һәм өлкән звенода укучылар өчен генә түлиләр.
Ашханәгә барлыгы 86 укучы йөри. Аларга 2 персонал, өлкән пешекче һәм аның ярдәмчесе хезмәт күрсәтә. Эш иртәдән үк башлана.
Эльмира Габделбәрова, Түбән Ушма мәктәбенең өлкән пешекчесе
Гомумән алганда, балалар мәктәптә тәкъдим ителгән ризыклардан канәгать.
.
