Республикада коронавируска каршы вакцина ясау дәвам итә. Чаллыдагы зур предприятиеләр, шул исәптән КамАЗ заводында прививканы эш урыннарынд ясату оештырылды. Тулырак киләсе репортажда.
Бу атнада Чаллыда коронавирустан вакцина кайтуын көтәләр. Спутник Ви прививкасы теләүчеләргә бушлай ясала. Эш урыннартында да прививка ясау оештырыла. Вакцинаның бер өлешен КАМАЗда эшләүчеләргә тапшыралар. Планнарында — кампанияне шәһәрнең башка предприятиеләрендә дә үткәрү.
Эш темпы туктап калмасын өчен, КАМАЗда эшләүчеләргә коронавирстан прививканы заводта ук ясыйлар.Вакцинациягә өч мең биш йөздән артык хезмәткәр язылган. Чаллы шәһәре сәламәтлек саклау идарәсе белән килешү нигезендә, предприятиегә ковидтан ике мең доза вакцина бирелә. Шәһәр поликлиникаларыннан килгән фельдшерлар прививка ясый.
Медпунктлар вакцинаны 18 градус салкында сакларга мөмкинлек бирүче яңа суыткычлар белән тәэмин ителгән. Прививка кампаниясен бу атнада препарат кайтуга ук башлау күздә тотыла.
Чаллы шәһәре мэрыНаил Мәһдиев: «Зур хезмәт коллективларында халык саны буенча шартлар булган урыннарда прививка ясау оештырыла..Беренче чиратта, предприятие хезмәткәрләрнең үзләре өчен уңайлы булырга тиеш.»
Вакцинацияне меңләгән кеше эшләгән башка зур предприятиеләрдә — катыргы-кәгазь комбинатында, ТЭМПО, азык – төлек һәм төзелеш индустриясе компанияләрендә дә оештырырга ниятлиләр. Шул ук вакытта шәһәр поликлиникларында да прививка ясау дәвам итә.
Чаллы шәһәре сәламәтлек саклау идарәсе җитәкчесе Александр Николаев: «Бөтен әзерлек эшләре башкарылды, прививка ясатучылар теркәлеп тора, менә вакцина килүен көтәбез, вакцинациягә язылучыларны чакырта башлыйбыз.»
Республика халкы турыдан-туры эфирда вакцина ясатуга бәйле сорауларын бирде. Экспертлар тематик онлайн-кабул итү үткәрде. Искәртеп узабыз, хәзер Татарстанлылар бушлай һәм ирекле рәвештә Спутник прививкасын ясата ала. Март башында республикага «ЭпиВакКорона» дозасы кайтырга тиеш.
Фәнис Мөхәммәтов, Регина Сафиуллина, Татарстан яңалыклары, Чаллы.
