Гыйнвар аенда ЮХИДИ хезмәткәрләре республикабызда балаларны автокреслосыз йөртүчеләр буенча рейдлар уздырдылар. Әлеге рейдлар яшь пассажирлар катнашында юл-транспорт һәлакәтләренә юл куймау максатыннан узды. Чаллыдан безнең репортаж.
Чаллы шәһәре баш автоинспекторы Радий Кадиков: «Кагыйдәләрне тупас бозу, тәрәзәләрне каралту, балаларны махсус җайланмаларсыз йөртү кпебек очракларга аерым игътибар итәбез. Исерек хәлдә транспорт йөртүчеләрне ачыклап, беркетмәләр төзибез.»
Профилактик рейд кичке 4тән 23 сәгатькә кадәр шәһәрнең төп проспектларында узды. Беренче хокук бозучы үзен озак көттермәде. Ярты сәгатьтән соң автоинспекторлар баланы махсус җайланмасыз йөртүче хатын кызны туктатты.
Автокреслодан тыш, юл-патруль хезмәткэрлэре яктылык үткәрүчәнлек, документлар торышын һәм машина йөртүчеләрнең аеклыгын тикшерде.
Җиде сәгатьлек рейд барышында автоинспекторлар йөздән артык хокук бозу очрагын ачыклады. Беркетмәләрнең күбесе тонировка таләпләренә туры килмәгән өчен төзелгән . рейд барышында шундый 57 очрак билгеле булды. Калган штрафлар автокреслолар булмау, срогы чыккан страховка, юл хәрәкәте кагыйдәләрен бозу һәм каешларны эләктермәү өчен салынган.
