Табиблар бригадалары авылларда күп балалы һәм ярдәмгә мохтаҗ гаиләләрдәге балаларга ярдәмгә алынды. Бурычлары — сабыйларда үзәк нерв системасындагы тайпылышларны башлангыч стадиядә ачыклап, дәвалауга җибәрү. “Сила в детях” проектына хәйриячеләр дә булыша. Мобиль бригаданың беренче маршруты — Яңа Чишмә районы.
Дәвалауның нәтиҗәләре күз алдында. Дүрт яшьлек Саша Селезнев тернәкләнү курсында шөгыльләнә. Бу тренажерда күнегүләр ясау малайга аяк мускулларын ныгытырга, аякларны турыландырырга булыша. Тик бу баланың бердәнбер проблемасы түгел.
Андрей Селезнев: «Әнисе аны авыр тудырды. Бала үпкә пневмониясе белән авырды. Үсә төшкәч, сөйләмендә дә тоткарлык башланды. Монда бик яратып шөгыльләнә, аңа бик ошый. Акрынлап сөйләшә дә башлады. Без аның нәрсә сөйләгәнен аңлый башладык. Алга китеш күз алдында.»
Дәвалау физкультурасы, массаж, психиатр, логопед сеанслары үсештәге тайпылышларны төзәтә. Мөмкинлекләр ачылган, малай җырлый, рәсем ясый башлаган.
Максатлары — җиде яшендә Сашаны гадәти мәктәпкә укырга йөртү. “Сила в детях” хәйрия фонды ярдәм иткән башка сабыйларның әти-әниләренең дә хыялы шундый.
Эльмира Зарипова ТР Хезмәт, мәшгульлек һәм социаль яклау министры
Мобиль бригаданың беренче маршруты — Яңа Чишмә районы. Табиблар диагноз кую һәм дәвалау өчен яңа җиһазларны куллана. Электроэнцефалограф баш мие үсешендәге тайпылышларны ачыклый. Балага дүрт яше тулганчы, ярдәм итеп калырга тырышалар. Бу дәвалауга керешү өчен иң кулай яшь.
«Сила в детях» проектының мобиль бригадасы авыру балаларның ата-аналарына бушлай консультацияләр, республиканың иң яхшы белгечләренә юллама бирә.
Инна Данилова, Ирек Хәмидуллин, Татарстан яңалыклары.
