Татарстан Президенты сәламәтлек саклау министрлыгына һәм район башлыкларына поликлиникаларны табиблар белән комплектларга кушты.
Рөстәм Миңнеханов министрлыкның ел йомгакларына багышланган коллегиясендә катнашты. Сәламәтлек саклау министры Марат Садыйков билгеләп үткәнчә, республикада пандемия сәбәпле, медицина ярдәме күрсәтү системасы үзгәртеп корылды. Барлык дәрәҗәдәге бюджетлардан госпитальләрне җиһазландыру өчен ике миллиард ярым сумнан артык акча бүлеп бирелгән. 20 елда күпләп авыру очраклары теркәлмәгән. Республика илдә беренчеләрдән булып ковид-19дан пациентларны дәвалый башлады, Россия туристларын Япония ярларыннан «Даймонд принцес» лайнерыннан кабул итте. Быел халыкны диспансерлаштыруга һәм коронавируска каршы вакцинация ясауга игьтибар арта, дип билгеләп үтте Рөстәм Миңнеханов.
Рөстәм Миңнеханов Татарстан Республикасы Президенты
Уңай якка үзгәрешләр бар. Предприятиеләрдә киң колачлы эш җәелдерергә, вакцина ясаганнан соң, тиешле саклык чараларын күрергә кирәк.
