2021 ел –Татарстанда туган телләр һәм халыклар бердәмлеге елы. Күпмилләтле Нурлат районында традицияләрне, гореф-гадәтләрне, милли йолаларны халыкка кайтаруда нәтиҗәле эш алып барыла. Татарстан Президенты программасы буенча яңа салынган һәм төзекләндерелгән мәдәният йортларының ишекләре һәркемгә ачык. Нурлат төбәгеннән безнең репортаж.
Күптән түгел ачылган «Нур» татар мәдәнияте үзәгендә милли мәдәниятне, әдәбиятны кадерләп саклыйлар. Еш кына китапханәдә чәй табыны янында аралашалар, бергәләшеп шигырьләр тыңлыйлар.
Тәзкирә Алякимова
Әфрүзия Тәмаева
Күрше аудиторияләрдә төрле юнәлешләр буенча түгәрәкләр, секцияләр эшли. Биредә үз кулларың белән хәтта түбәтәй дә чигәргә өйрәтәләр.
Актлар залы да буш тормый. Нурлатлылар танылган авторларның әсәрләре буенча спектакльләр куеп, халыкка тәкъдим итәләр.
Нурлат районы — төрле милләт вәкилләренең уртак йорты. Абсалам Самед оглы Әхмәдов Нурлатка чирек гасыр элек килеп урнашкан. Шунда балалары, оныклары туган. Бүген бу зур тату гаилә
Абсалам Самед оглы Әхмәдов
Әхмәдовлар гаиләсеннән ерак түгел әрмәннәр – Арутюнян гаиләсе яши. Вальтер Врамович — Нурлатта 25 ел инде. Шулай ук үз йортында, балалары һәм оныклары белән зур гаиләдә яшиләр.
Халыклар дуслыгы йорты шәһәрдә 5 ел элек ачылган. Хәзер бер сәхнәдә татар, чуваш, рус ансамбльләре, ветераннар хоры, шулай ук үз үзенчә уникаль «Багатица» казак хоры чыгыш ясый. Казак хорын Станичный казак җәмгыяте атаманы Александр Любецкий җитәкли. Еллар дәвамында казакларның гореф – гадәтләре, җырлар онытыла башлаган.
Коллектив үзешчән булса да, җыр-биюләрне югары осталык белән башкаралар. Репертуар тормышка, мәхәббәткә багышланган әсәрләрдән тора. Дәртле казак биюләре дә тамашачыларның күңеленә хуш килә.
Антонина Артамонова «Багатица» ансамбле башкаручысы
Татарстанда туган телләр елында яңа мөмкинлекләр барлыкка килде.Әйтик, Нурлат районында гына да республика президенты программасы буенча берничә авыл мәдәният йорты, балалар бакчасы салынды, яки төзекләндерелде. Барлык авылларда төрле милләт вәкилләре телләрне, гореф-гадәтләрне саклыйлар, милли тәрбия балачактан ук башлана.
Фәүзия Мөхәммәтова “Ак калфак” хатын-кызлар оешмасының Нурлат бүлеге җитәкчесе
Ныклы милләтара тынычлык – безнең иң кадерле байлык – — диләр нурлатлылар. Яңа елга кызыклы, мавыктыргыч планнары күп. Ә иң мөһиме-үсеп килүче буын ана теленең кадерен белергә өйрәнеп, милли тәрбия алып үсә.
Дмитрий Второв, Татарстан яңалыклары, Нурлат районы.
