Татарстан мөселманнары Диния нәзарәтендә татар телендә беренче онлайн-мәдрәсәне тәкъдим иттеләр. Татарстан мөфтияте һәм „Хозур“ нәшрият йорты татар телендә беренче онлайн мәдрәсә булдырды. Биредә уку-укыту тулысынча татар телендә алып барыла. Дәресләрне видео, аудио һәм текст форматында үзеңә уңайлы урында, тәүлегенә 24 сәгать дәвамында интернетка тоташкан теләсә кайсы җайланмадан үзләштерергә мөмкин. Онлайн-мәдрәсәдә барлыгы 7 юнәлеш буенча укыталар. Лекцияләрнең эчтәлеге нәзарәт методистлары тарафыннан төзелгән. Остазлар итеп республиканың югары дини уку йортларында белем алган һәм Диния нәзарәтенең дини эшчәнлек алып барырга хокук бирүче Шәһадәтнамәсенә ия булган имамнар билгеләнгән.Укырга теләүчеләргә medrese.tatar сайтына керергә, яисә Play Market һәм App Store’дан «Татар мәдрәсәсе» дип аталган мобиль кушымта күчереп алырга мөмкин.
