Татарстан дәүләт телерадиокомпаниясе Русфонд хәйрия җәмгыяте белән берлектә авыру балаларга булышу буенча уртак проектны дәвам итә. Бүген тугыз яшьлек Рома Троицкийның авыру тарихы. Церебраль параличтан интегүче малайны тернәкләндерү өчен ярдәм кирәк.
Мондый күнегүне Рома беренче тапкыр ясый. Малайның сәламәтлеге белән проблемалар тумыштан соң ук башлана. Игезәкләр Ксения белән Рома сулыш авыруы белән туалар. Кызны тугач та өенә җибәрсәләр, малайга пневмония диагнозын куялар. Соңрак Рома үсештә артта кала башлый, башын да авырлык белән генә күтәрә. Бер яшендә табиблар аңа цребраль паралич диагнозын куялар.
Романың әнисе Ольга Троицкая: «мин барысы да барып чыкмас дип курыктым, кайдадыр мөмкинлекне кулдан ычкындырдык, ләкин үзебезне кулга алдык, массаж, дәвалау физкультурасы белән даими шөгыльләндек».
Терапия уңай нәтиҗәләр биргән. Дүрт елда Рома зур авырлык белән булса да, йөрергә өйрәнгән. Ә ел ярым элек малайга операция ясатканнар — арка миенә нейростимулятор куйганнар. Ул баш мие белән идарә итәргә булыша, аяк-кулларының хәрәкәтен җиңеләйткән.
КФУның прецизион һәм регенератив медицина фәнни-клиник үзәгенең нейрореабилитация бүлеге мөдире Эльвира Мөхәммәтова: «Әлеге операция нәтиҗәсендә малайның хәрәкәт активлыгы беркадәр артты. Хәрәкәт активлыгын без махсус асылмалы системалар ярдәмендә дә көчәйтергә тырышабыз. Югары технологияләрне кулланып, классик тернәкләндерү курсын үтәргә дә кирәк булачак.»
Рома игезәк соңары белән бергә гадәти мәктәптә укый. Баскетбол һәм йөзүне ярата. Бүләкләре дә бар. Хәзер Ромага тернәкләндерү курсын узарга кирәк. Ул 335 мең сумга төшәчәк. Гаиләдә андый акча юк. Без сезнең белән бергәләп ярдәм итә алабыз, хөрмәтле телевизор караучылар. Моның өчен 5542 номерына ДЕТИ сүзен язып, СМС хәбәр җибәрү дә җитә. Бер хәбәрнең бәясе-75 сум. Күбрәк өлеш кертергә теләүчеләргә тулырак мәгълүмат безнен телерадиокомпания һәм Русфонд сайтларфында.
Ләлә Зәйнуллина, Ралина Абрамова, Дамир Мөхәммәтханов, Татарстан яңалыклары.
