КАМАЗ-МАСТЕР командасының өч экипажы «Дакар» ралли ярышларының 8 нче этабын уңышлы узды. Бу этапта Антон Шибалов җиңүче булды, ул 375 километр озынлыктагы махсус участокны 3 сәгать 19 минут 40 секундта узды. Икенче, өченче урында — Андрей Каргинов һәм Дмитрий Сотников экипажлары. Дмитрий Сотников гомуми зачетта алда баруын дәвам итә.
Сәгуд Гарәбстанында узучы “Дакар” ралли узышының 9нчы этабы чех экипажы җиңүе белән тәмамланды: беренчелекне Ивекода Мартин Мацик яулады. Аннан соң финишка “КАМАЗ-мастер” командасының Айрат Мәрдиев һәм Дмитрий Сотников экипажлары килде. Антон Шибалов һәм Андрей Каргинов — 5нче һәм 6нчы урында.
