Казанда һәм Чаллыда яңа ел чыршыларын кабул итү пунктлары эшли. Тере агачларны һәм ботакларны 31 гыйнварга кадәр тапшырырга мөмкин. Бу хакта ТР Урман хуҗалыгы министрлыгының Матбугат хезмәте, Идел буе экологик компаниясенә сылтама белән хәбәр итә.
«Татарстан халкы чыршы, пихта һәм нарат агачларын яки ботакларын китерә ала. Аларда мишуралар, уенчыклар һәм башка бизәкләр булырга тиеш түгел», — диелә хәбәрдә.
Агачларны физик затлар гына тапшыра ала, зур партияләрне кабул итү өчен акцияне оештыручылар белән элемтәгә керергә кирәк.
Казанлылар тапшырган агачлар азыкка һәм кәҗәләр өчен аслыкка озатылачак, ә Яр Чаллыда кабул ителгән агачлар мичләр өчен ягулыкка тотылачак.
