Яңа ел – могҗизалар вакыты. Ә “Теләкләр чыршысы” акциясе иң якты хыялларны тормышка ашыра.Республикабыз шәһәр районнарында да әлеге акциягә бик теләп кушылдылар. Әйтик, Буа районы башлыгы Ранис Камәртдинов та, районында яшәүче Радмир Фәйзуллин теләген чыңга ашырды-Лего конструкторы тапшырды.
Чын Кыш бабай белән Кар кызы бүген Радмир Фәйзуллин янына кунакка килделәр. Әйлән-бәйлән, шигырьләр һәм җырлар — барысы да Яңа ел бәйрәменең якынлашуын искәртә. Малай кадерле кунаклар өчен баянда да уйнады.
Күптән көтелгән «Лего техник» конструкторын Радмирга Буа районы башлыгы тапшырды. Гаризаны укучы проектның сайтында узган айда ук калдырган. Ә инде бүген ул Яңа ел тылсымчысының бүләгенә ия булды.
Радмир Фәйзуллин: “Мин сайтта Кыш бабайдан Лего конструктор бүләк итүен сорап яздым. Ул минем күптәнге хыялым иде. Бүген ул чынга ашты – миңа шундый зур бүләк ясадылар. Мин бик шат, барыгызга да рәхмәт”
Радмирның әнисе дә бүләккә сөенде. Лего конструкторны малай күптәннән сораган.
Лилия Мирхалова, Радмирның әнисе: “Минем улым “Теләкләр чыршысы” акциясендә катнашты. Аның хыялы тормышка ашты. Могҗиза бар ул, ышанырга гына кирәк. Элек мондый чаралар юк иде. Без бик бәхетле”.
Радмир “Теләкләр чыршысы” акциясендә узган ел да катнашкан. Ул чакта малай Казандагы Кремль чыршысына эләгү турында хыялланган. Бу теләге дә тормышка ашкан.
Алсу Сәмигуллина, Сирин Хәсәнов. Татарстан яңалыклары.
