Алтын Казан — беренче татар мюзиклы шулай дип атала. Аның премьерасы 5 һәм 6 декабрьдә Муса Җәлил исемендәге театр сәхнәсендә була. Мюзикл «Узгереш жиле» бишенче фестивале программасына кертелгән. Исегезгә төшерәбез, «Үзгәреш җиле» фестивале Президент Рөстәм Миңнеханов инициативасы белән 2016 елдан бирле оештырыла. Бу юлы тамашачыларны ниләр көтә? Казанны, якташларны, туган телне яратуны тану. Композитор Эльмир Низамов татар телендәге беренче мюзикл жанрын әнә шулай билгеләгән. «Алтын Казан». Әсәрнең исемендә үк халкыбызның күп гасырлык бай тарихи мирасының балкышы чагыла.
Эльмир Низамов «Алтын Казан» мюзиклы авторы
Муса Җәлил исемендәге Академия опера һәм балет театрының легандар сәхнәсендә бик күп спектакльләр, бөек шәхесләр танылды. Ә бу театр тормышында зур яңалык. Мюзиклга либреттоны Татарстанның халык шагыйре Ренат Харис язган. Оештыручылар мюзикл Казанның яраткан визит карточкасына әйләнер дип ышана.
Эльмира Кәлимуллина «Алтын Казан» мюзиклы солисты
«Алтын Казан» — илебез һәм чит ил профессионаллары командасының күркәм иҗат җимеше. Сәхнәдә музыка, бию, компьютер графикасы балкышын, башка сюрпризларны премьерада гына күрергә мөмкин булачак.
Мюзикл субтитрлар белән үрелеп бара. Хәер, музыка аша мәхәббәтне әйтеп бирү-барлык телләрдә берсүзсез дә аңлашыла.
Инна Данилова, Кадрия Мерсиапова,Таһир Хәсәнов, Татарстан яңалыклары.
