Түбән Каманың боз сараеда совет чоры күргәзмәсе ачылды. Анда 20нче гасырның беренче яртысындагы яңа ел уенчыклары тәкъдим ителгән. Әлеге экспонатларны “Нефтехимик” эзләнү отряды музеена шәхси коллекционер бүләк итә — тарихи курчакларны безнең иҗат төркеме дә карап кайтты.
Әлеге уенчыклар “тумышы” белән советлар союзыннан — Дилбәр Нургалиева өчен алар кадерле экспонатлар һәм дуслар гына түгел, ә балачак хатирәләре дә — һәрберсенең үз тарихы бар…
Дилбәр Нургалиева
Совет чоры Яңа ел уенчыклары күргәзмәсе Түбән Кама боз сараенда ачыла –биредә 500гә якын экспонат урын алган. Аларны “Нефтехимик” эзләнү отрядының “Хәрби дан” музеена шәхси коллекционер бүләк итә – аның исеме әлегә сер булып саклана. Экпозициянең нигезендә Яңа ел тематикасы юкка түгел – әкияти бәйрәм сугыш чорының барлык сынауларын үтәргә көч биргән, ә уенчылар тыныч тормышка ышаныч тудырган…
Рәсимә Булатова “Нефтехимик” эзләнү отрядының “Хәрби дан” музее инструкторы
Тарихи экспонатларны теләге булган һәркем килеп, бушлай карый ала – Яңа елга кадәр күргәзмә Түбән Кама боз сараенда эшлиячәк, бәйрәмнәрдә соң, ул “Нефтехимик” эзләнү отрядының “Хәрби дан” музеенда урын алачак.
