Мәгълүм булганча, Татарстан Республикасы Президенты каршындагы татар телен саклау һәм үстерү мәсьәләләре комиссиясенең Арча, Апас, Минзәлә Актаныш районнарында күчмә утырышлары уздырылды. Күптән түгел шундый ук киңәшмә Аксубай төбәгендә үткәрелде. Аксубай районыннан — махсус репортаж.
Ерак дәверләрдән үк Аксубай җирлеге биредә яшәүче татар, чуваш һәм рус халыклырының уртак кече ватанына әверелә. Аксубай җирлеге – халкыбызга бик күп күренекле шәхесләр биргән төбәк. Шуңа да Эшлекле очрашуның Иске Кармәт авылында Хәсән Туфан музей-йортынннан башлануы табигый. Өстәвенә, Хәсән аганың тууына 9 нчы декабрьдә 120 ел.
Якташ шагыйрь иҗаты белән горурланам ди кунаклар алдында чыгыш ясаган 6 нчы сыйныф укучысы Евгения Николаева.
Иске Кыязлы мәктәбеннән килгән Илфар Моксинов Хәсән Туфанга багышлап язган шигырен укыды.
Аксубайда Хәсән Туфан рухы кайда гына барсак та озатып йөрде дисәк тә ялгышмабыз.
Тәгъзимә Низамова Хәсән Туфан музее методисты
Киңәшмәдә катнашучылар өчен Район мәдәният йортында да Хәсән Туфан иҗатына багышланган рәсем күргәзмәсе оештырылган иде.
Фәймә Гатина Аксубай китапханәсенең халыкка хезмәт күрсәтү бүлеге мөдире
Әлеге күргәзмәдә җиңүнең 75 еллыгына багышлап чигелгән 75 кулъяулык та бар. Алар сугыш һәм тыл ветераннарына, армиягә китүче егетләргә бүләк итеп чигелгән. Кул эшенең тагын бер онытылып барган төре белән кунакларны җирле Ак калфак оешмасы җитәкчесе Әлфия Нурхәмәтова таныштырды.
Әлфия Нурхәмәтова Аксубай төбәген өйрәнү музее директоры, җирле “Ак калфак” оешмасы җитәкчесе
Мәдәният йорты каршында эшләп килүче Аксубай егетләре гармунчылар ансамбле татар композиторы әсәрләрен бик теләп өйрәнә.
Семен Крайнов белән Глеб Мясников кунакларга Алчәчәк көен уйнады. Ансамбльдәге егетләрнең сәләтенә соклаган Марат Әхмәтов аларны кат-кат уйнатты.
Ә аннары җирле һәвәскәрләр каз өмәсе йоласын күрсәтте.
Чуваш халык иҗатына багышланган күргәзмәдә туй йоласы белән таныштык.
Әнә шулай каршы алды кунакларны Кече Сөнчәле авылы клубы активисты Вера Уканеева. Клуб каршында түгәрәк оештырып Чуваш җырлары тарихын өйрәнә башлаган.
Әлбәттә бала ана телендә сөйләшергә музейда да , мәдәният йортында да өйрәнә башламый. Тел кечкенәдән гаиләдә ачыла. Аннан балалар бакчасы. Аксубайда әлегә саф татар телендә төркемнәр будырылган балалар бакчалары юк. Кояшкай дип аталган әлеге бакчада да аралашу нигездә рус телендә . Мәсәлән биредә рус һәм татардан тыш 41 чуваш баласы тәрбияләнә. Шуңа да чуваш телендә төркем ачылмавы Марат Әхмәтовны гаҗәпкә калдырды. Бу мәсьәлә буенча әти-әниләр белән сөйләшеп чуваш балалары өчен төркем оештырыга тәкьдим итте.
Киңәшмәдә катнашучылар эшлекле сәфәр кысаларында 3 нче мәктәп һәм техникумда милли тәрбия эшенең куелышы белән дә танышты. 3нче мәктәпнең Сәләт оешмасы эше югары бәяләнде. Җитәкчесе Рушания Моратшинага рәхмәт хаты тапшырылды.
Рушания Моратшина 3 нче урта гомуми белем бирү мәктәбенең татар теле һәм әдәбияты укытучысы
Шулай ук Татар Майнасы мәктәбе тәҗрибәсе дә аерым билгеләп үтелде.
Рафик Насыйров Түбән Татар Майнасы урта мәктәбе директоры
Татарстанда милли мәктәпләрне заманча җиһазлау бурычы тора. Бу хакта Марат Әхмәтов Аксубайда узган киңәшмәнең хисап өлешендә искәртте.
Марат Әхмәтов Татарстан Дәүләт Советы рәисе урынбасары
Кама аръягы районнары ның милли телләр юнәлешендәге эшләренә йомгак Аксубай районы техникумында ясалды. Марат Әхмәтов мәгариф һәм фән министрлагы исәпләгән статистик мәгълүмәтләргә нигезләнеп һәр районда милли тәрбия бирүнең торышы белән таныштырды. Лаеш районы алдынгылар рәтендә.
Илдус Зарипов Лаеш муниципаль районы башлыгы
Татар теленең язмышында кисен үзгәреш ясау – бүгенгә бик авыр мәсьәлә.
Марат Әхмәтов Татарстан Дәүләт Советы рәисе урынбасары
Быелгы уку елында Аксубай районында 2821 укучы исәпләнә, шуларның 369ы тулысынча татар телендә белем һәм тәрбия ала.
Камил Нугаев Татарстан Республикасының Дәүләт Советы депутаты
Рәмзия Долгополова Чирмешән районы Башкарма комитеты җитәкчесенең урынбасары
Чыннан да һәрберебез һәр көн телебезне саклау, үстерү, киләчәк буынга җиткерү юнәлешендә нәрсәдер эшләп торсак, гел хәрәкәттә булсак, файдасы тими калмас.
Камил Гыйльманов Аксубай муниципаль районы башлыгы
Аксубайда уздырылган күчмә утырыш нәтиҗәләре бүгенге шартларны исәпкә алганда өмет уятырлык. Ә куйган максатларга ирешү вакыт кирәклеге бәхәссез.
Мөршидә Җиһан, Ирек Хәмидуллин. Аксубай районыннан махсус Татарстан яңалыклары.
