Яшьләрдән иң кыю фикерләр. Казанда «Безнең Татарстан. Мөмкинлекләр территориясе» дигән унынчы республика форумы эшли. Форумның беренче эш көнендә мәйданчыкта финалга чыккан проектларны тәкъдим иттеләр. Яшьләр нинди уй-фикерләре белән уртаклашты, нәрсәләргә хәвәс булуларын күрсәтте? Бу хакта киләсе репортажда.
Киләчәктә экологик яктан чиста кечкенә букчалардан файдаланып булачак. Алар гадәти төргәк-пакетларны алыштыра. Шулай итеп, укучылар табигатьне саклауга өлешләрен кертә.
Мәктәп бизнес-компаниясе җитәкчесе Юлия Шикина: «Без мөһим эш башкарабыз һәм глобаль проблеманы менә шулай хәл итүебезгә шатбыз.»
«Безнең Татарстан. Мөмкинлекләр территориясе» форумының янәшәдәге стендында телне саклауның мөһимлеген аңлаталар. Туган телгә ихтирам уяталар.
11 сыйныф укучысы, кием брендын төзүче Алия Минһаҗева: «Кеше ерактан инглиз телендә язылган дип уйлый. Якыннан күргәч, анда татар телендәге сүзләрнең язылуын аңлый. Без барысына да туган телнең мөһимлеген аңлатабыз, тел турында сөйлибез.»
Шулай итеп, яшьләр форумында катнашучыларның фикерләре бердәм киңлеккә үрелә. Иң яхшыларын тормышка ашыралар. Ун ел эчендә әлеге мәйданчыкта йөздән артык уңышлы проект башлангыч алды.
Рөстәм Миңнеханов Татарстан Республикасы Президенты
Татарстан Республикасы Яшьләр эшләре министры Дамир Фәттахов: «Ел безнең өчен уникаль булды. Һәр районда яшьләр парламенты барлыкка килде, бу парламент депутатларын яшьләр үзләре сайлады. Без сайлау культурасын тәрбиялибез, яшьләргә берни дә бәйле түгел дигән фикерне юкка чыгарырга тырышабыз.»
Бу көннәрдә Казанда Ислам Хезмәттәшлеге Оешмасы илләренең яшь эшмәкәрләре зур масштабтагы фикерләрне туплый. 20 мең доллар приз фонды өчен тырышалар. Быелдан башлап көчләрне берләштерәләр -Татарстанда яшь дипломатларның проект офисы эшли башый.
Яшьләр эшләре буенча Федераль агентлык җитәкчесе Александр Бугаев: «Яшьләр арасында дипломатик мөнәсәбәтләрнең ныгуы — иң нәтиҗәле хезмәттәшлек алымы ул.»
Биредә, ай-паркта җиңүчеләр форумы колач җәйде. Грант конкурслары лидерлары яшьрәк коллегаларына фикерләрен гамәлгә ашыру өчен ничек итеп финанс ярдәме алулары турында да сөйлиләр.
Фәнис Мөхәммәтов, Диана Василова. Владимир Юрков. Татарстан яңалыклары.
