Республикабыз районнарында төлкеләр күренә башлады. Әйтик, Мамадыш урамнарында кыргый җәнлек көн уртасында ук инде, шәһәр үзәгендәге юлдан йөгереп чыккан. Аларның фотоларын җирле халык, социаль челтәрләрдә урнаштырган.Урман хайваннарын шәһәр нәрсәсе белән җәлеп итә? Без дә кызыксындык.
Социаль челтәрләрдә шәһәр үзәге буйлап йоргэн төлке фотосы социаль челтәрләрдә барлыкка килде. Кулланучылар җәнлек кешеләргә куркыныч булырга мөмкин, дип фаразлаган. Гадәттә, котыру авырулы хайваннар шәһәр-авыл урамнарында күренә башлый. Уңай аңлатма бирүчеләр дә очрый.
Шулай да, күпчелек чаң суга. Анатолий язын 5 тән артык төлке яшәгән өнне иҗат төркеменә күрсәтергә әзер иде. Шәһәр читендә урнашкан Нагорный урамы урман белэн янәшә, шуңа күрә халыкка ел әйләнәсе кыргый хайваннар белән очрашырга туры килә.
Әгәр сез кыргый хайванны очратсагыз, аңа якын килеп, кагылырга кирәкми. Хәтта ул саксыз һәм ягымлы тоелса да. Тыныч кына, кискен хәрәкәтләрсез, куркынычсыз урынга – өйгә, подъездга, кереп китәргә кирәк. Белгечләр сүзләренә караганда, төлкеләр, бүреләр һәм башка кыргый хайваннар инстинктив рәвештә кешеләрдән курка, курыкканны сизсәләр, һөҗүм итәргә мөмкиннәр. Котыру авыруының төп билгеләренең берсе-кешеләрдән курыкмау.
Әгәр дә җәнлек сезгә ташланган икән, тешләтмәскә тырышыгыз, чөнки авыру хайван вирусы селәгәй белән бергә күчә. Әгәр җәнлек тешләсә, кичекмәстән хастаханәгә мөрәҗәгать итәргә кирәк.
Мамадыш районында кыргый хайваннарны иммунлаштыру буенча кышкы кампания старт алды. Ерткычларга котыру авыруыннан прививка ясаталар. Бу контактсыз ысул белән башкарыла. Ветеринария табиблары урманнарда вакцина сала башлады.
