Казан халык сәнгате һөнәрләре техникумында шушы көннәрдә «Яшь профессионаллар» WorldSkillsРоссия– 2020 төбәкара бәйгесе узды. Ел саен традицион рәвештә үткәрелгән әлеге ярыш үзенчәлекләре белән хәбәрчебез Мөршидә Җиһан таныштырыр . «Зәркәнчелек эше» һәм «Зәркән өстәлмәләрен кырлау» компетенцияләре буенча ярыш ике мәйданчыкта узды. Анда Казан халык сәнгате һөнәрләре техникумыннан югары күрсәткечләргә ирешкән , шулай ук чит төбәкләрдән килгән студентлар катнашты. Бар да җитди. Студентлар үз дөньясына бирелеп вак детальләргә җан өрә.
Марат Галиев укытучы — мастер
Марат Галиев укучыларының әзерлекле булуларына ышана. “Ворлдскиллс» хәрәкәтендә 2014 елда бирле катнашалар . Кайда гына үткәрелсә дә техникум студентлары призлы урыннар яулый. Хәтта «Ворлдскиллс» җиңүчеләрен нәкъ менә биредә әзерлиләр дисәк тә ялгышмабыз.
Рушания Сәүбанова Казан халык сәнгате һөнәрләре техникумы директоры
«Зәркән өстәлмәләрен кырлау» да үзе бер сәнгать. Шуңа да әлеге юнәлешне сайлаучылар да үз эшенә җаваплы карый.
Ирек Мөхәммәтҗанов Казан халык сәнгате һөнәрләре техникумының директор урынбасары
Студентларга халык сәнгате һөнәрләрен өйрәтүдә техникумның ярты гасырдан тәҗрибәсе бар. Әлегә җиңүчеләр билгеле түгел . Аларга шушы көннәрдә нәтиҗә чыгарыла. “Яшь профессионаллар» бәйгесендә җиңүчеләр техникум данын икенче этапта, россиякүләм WorldSkillsРоссия–чемпионатында катнашып яклый.
Мөршидә Җиһан, Сергей Павлушин. Татарстан яңалыклары.
